Špaher na drvaCili život mi se izvrti
svugdi samo Yamaha, Toshiba, LG
a 've lude tehnike ča je učinila
cilome svitu je život uništila
Bože pomozi 've line mladosti
ne znadu ča će sa sebon od ludosti
samo u ekran bulju i cili dan sedu
a kad je vrime za leć onda vanka gredu
Nevoje...
Nekima judima boja je klima
nema pilanja i nema dima
a meni će uvik bit jubav prva
moj bili špaher ča ga ložin na drva
Svi bi se skupili i jili na bokune
a danas od ludosti sve činu na botune
kad nestane struje nevoje su vele
trču ka da su ih izbole 'čele
Niko više ne more ni pismo napisat
za godinu koju će na botune i guzicu brisat
judi mislu da je tehnika čudo
a u tom nima ništa
ma sve je to ludo
Nekima judima boja je klima
nema pilanja i nema dima
a meni će uvik bit jubav prva
moj bili špaher ča ga ložin na drva